Politik Konfidansyalite

KONTA FASIL

Byenvini sou Konta Fasil,

Pwoteksyon done pèsonèl ak done biznis ou enpòtan anpil pou nou. Politik konfidansyalite sa a eksplike ki enfòmasyon nou kolekte, kijan nou itilize yo, ak mezi nou pran pou pwoteje yo.

Lè ou itilize aplikasyon an, sa vle di ou dakò ak tout sa ki dekri nan politik sa a.

1. Enfòmasyon nou kolekte

Lè ou itilize aplikasyon an, nou ka kolekte kèk enfòmasyon tankou :

a) Enfòmasyon itilizatè an bay :

• Non ak siyati
• Nimewo telefòn
• Adrès imèl
• Non biznis la
• Enfòmasyon ki gen rapò ak vant, estòk ak tranzaksyon ki antre nan aplikasyon an

b) Enfòmasyon teknik :

• Kalite aparèy ou itilize
• Sistèm operasyon aparèy la
• Adrès IP
• Done koneksyon ak itilizasyon

2. Done kliyan biznis yo

Konta Fasil pèmèt itilizatè yo anrejistre enfòmasyon sou kliyan yo pou fasilite jesyon kredi, swivi tranzaksyon ak lòt operasyon biznis.

Done sa yo kapab gen ladan :

• Non kliyan yo ;
• Nimewo telefòn kliyan yo ;
• Istwa kredi ak peman yo ;
• Tranzaksyon ki asosye ak kliyan yo.

Itilizatè a responsab pou asire li gen dwa kolekte ak antre enfòmasyon kliyan li yo nan aplikasyon an.

Konta Fasil itilize done sa yo sèlman pou bay sèvis jesyon biznis yo, tankou jesyon kredi, rapò finansye ak analiz operasyonèl. Nou pa itilize done kliyan biznis yo pou piblisite oswa pou vann bay twazyèm pati.

3. Kijan nou itilize enfòmasyon yo

Nou itilize enfòmasyon yo pou :

• Bay ak amelyore sèvis aplikasyon an
• Jenere rapò finansye ak analiz otomatik
• Pèmèt itilizatè swiv vant ak depans li
• Pèsonalize eksperyans itilizatè a
• Kontakte itilizatè yo pou mizajou oswa amelyorasyon
• Asire sekirite ak bon fonksyònman aplikasyon an

4. Konfidansyalite done finansye yo

Nou konprann enpòtans done finansye itilizatè yo. Enfòmasyon ki gen rapò ak :

• vant,
• revni,
• kredi,
• depans
• tranzaksyon,

rete konfidansyèl epi :

• nou pa vann yo bay lòt moun oswa òganizasyon san otorizasyon w ;
• nou itilize yo sèlman pou sèvis aplikasyon an ofri.

5. Pataj enfòmasyon yo

Nou pa vann ni lwe done pèsonèl ou. Nou kapab pataje kèk enfòmasyon sèlman :

• ak sèvis teknik ki ede aplikasyon an fonksyone ;
• si lalwa egzije sa ;
• pou pwoteje dwa nou, sekirite nou oswa sekirite itilizatè yo.

6. Sèvis Twazyèm Pati (Services tiers)

Pou bay sèvis li yo, Konta Fasil itilize kèk founisè sèvis ekstèn ak patnè teknoloji. Sèvis sa yo ka trete kèk done ki nesesè pou fonksyònman aplikasyon an.

Founisè sa yo kapab gen ladan :

• Google Firebase (otantifikasyon, baz done, estokaj ak sekirite)
• Google Gemini (analiz ak asistans entèlijans atifisyèl)
• Groq (tretman modèl entèlijans atifisyèl)
• DeepSeek (analiz ak sèvis entèlijans atifisyèl)
• Lòt founisè teknoloji ki nesesè pou amelyore sèvis yo

Nou chwazi sèlman sèvis nou konsidere serye epi ki respekte estanda sekirite ak konfidansyalite ki aplikab yo.

7. Sekirite done yo

Nou mete mezi sekirite rezonab anplas pou pwoteje enfòmasyon yo kont :

• aksè san otorizasyon ;
• pèt ;
• move itilizasyon ;
• pataj san pèmisyon.

Menm jan ak tout sistèm dijital, nou pa ka garanti sekirite total 100%, kidonk itilizatè a responsab pou kenbe modpas li, PIN li ak lòt enfòmasyon otantifikasyon yo konfidansyèl.

8. Konbyen tan nou konsève done yo

Nou konsève done yo pandan tan ki nesesè pou :

• bay sèvis aplikasyon an ;
• respekte obligasyon legal yo ;
• rezoud nenpòt pwoblèm oswa konfli ki ta rive.

9. Dwa itilizatè yo

Itilizatè yo gen dwa :

• ekspòte done finansye yo nan fòma PDF oswa Excel nenpòt lè sèvis la pèmèt sa.
• mande aksè ak done yo ;
• mande koreksyon done ki pa egzak ;
• mande siprime done yo ;
• retire konsantman yo pou kèk itilizasyon done.

Pou nenpòt demann, kontakte nou nan : admin@kontafasil.com

N ap fè tout efò nou pou trete tout demann ou yo nan yon delè ki pa depase 30 jou.

10. Itilizasyon entèlijans atifisyèl (IA)

Pou kèk fonksyonalite, Konta Fasil itilize sèvis twazyèm pati tankou Google Firebase, Google Gemini, Groq, DeepSeek oswa lòt founisè teknoloji ki ka trete kèk done nesesè pou:

• analize done finansye ;
• kreye rezime ak rekòmandasyon ;
• fè kèk travay jesyon otomatik.

Rezilta IA yo bay yo se sèlman kòm asistans epi yo pa ranplase konsèy pwofesyonèl nan domèn finans, kontablite oswa legal. Epi rekòmandasyon ki soti nan sistèm entèlijans atifisyèl la pwodwi otomatikman selon done ki disponib yo. Konta Fasil pa garanti presizyon, konplètid oswa pertinans tout rekòmandasyon yo. Itilizatè a rete responsab pou verifye enfòmasyon yo anvan li pran nenpòt desizyon biznis.

11. Itilizasyon done agregasyon ak done anonim

Nou kapab itilize kèk done anonim oswa done agregasyon pou :

• analiz mache ;
• rechèch ekonomik ;
• estatistik sou MPME ;
• amelyorasyon sèvis nou yo ;
• kreye rapò sou tandans biznis an Ayiti.

Done sa yo :

• pa idantifye okenn moun oswa biznis dirèkteman ;
• pa gen non, nimewo telefòn, imèl oswa lòt enfòmasyon pèsonèl ;
• itilize sèlman sou fòm jeneral, estatistik oswa anonim.

Pa egzanp, nou kapab analize :

• pousantaj kwasans lavant nan yon sektè ;
• tandans acha ;
• pwodwi ki vann plis ;
• konpòtman jeneral MPME yo.

Nou kapab pataje done estatistik oswa anonim sa yo ak enstitisyon finansye, òganizasyon rechèch, patnè estratejik, envestisè oswa lòt òganizasyon ki enterese nan tandans ekonomik ak done sou MPME yo. Nou pran mezi rezonab pou asire done sa yo pa kapab itilize pou rekonèt oswa idantifye okenn itilizatè espesifik.

12. Cookies ak teknoloji menm jan an

Selon platfòm yo itilize yo, aplikasyon an kapab itilize cookies oswa lòt teknoloji menm jan an pou :

• amelyore eksperyans itilizatè a ;
• analize pèfòmans aplikasyon an.

13. Sèvis Peman ak Abònman

Si w fè peman nan aplikasyon an pou abònman oswa pou nenpòt lòt sèvis, se sèvis peman ekstèn yo (tankou MonCash, Stripe, oswa lòt) ki jere tranzaksyon sa yo. Konta Fasil pa janm estoke okenn kòd sekrè oswa nimewo kat labank sou sèvè pa l.

14. Sipresyon kont

Ou ka mande siprime kont ou ak tout done ki asosye avèk li nenpòt kilè. Men kijan pou w fè sa etap pa etap :

a) Dirèkteman nan aplikasyon an :

1. Ale nan meni Paramèt (ki nan ba navigasyon anba a).
2. Lè paj Paramèt la louvri, w ap wè tout opsyon yo.
3. Desann nèt nan pye paj la (anba nèt) epi klike sou bouton "Efase Kont Mwen".
4. Yon bwat konfimasyon ap parèt. Tape mo "EFASE" an majiskil nan chan an. Tèks la ap vin wouj.
5. Klike sou tèks "Wi, Efase Kont Mwen" an wouj la pou w konfime sipresyon an. Aplikasyon an ap efase kont ou ak tout done biznis ou yo (vant, depans, kredi, kliyan) otomatikman ak imedyatman.

b) Pa imèl (si w pa gen aplikasyon an sou telefòn ou ankò) :

1. Voye yon imel nan admin@kontafasil.com.
2. Sèvi ak menm adrès imèl ou te itilize pou w kreye kont Konta Fasil la.
3. Ekri nan sijè a: "Demann sipresyon kont" epi presize non biznis ou oswa adrès imèl kont lan.
4. N ap trete demann lan epi n ap efase kont lan ansanm ak tout done ou yo nan yon delè ki pa depase 30 jou, epi n ap voye yon imèl konfimasyon ba ou lè sa fin fèt.

c) Siprime yon pati nan done yo (san efase kont lan) :

• Nan aplikasyon an : Ou ka efase tranzaksyon endividyèl yo (nan meni Istorik) oswa kliyan yo (nan meni Jesyon Kliyan) nenpòt lè, san sa pa afekte kont ou.
• Pa imèl : Voye yon imèl nan admin@kontafasil.com pou mande pou nou retire yon pati nan done w yo (pa egzanp, tout tranzaksyon yon peryòd byen presi) san nou pa efase kont ou an.

Lè sipresyon an finalize, done pèsonèl yo retire oswa anonimize selon obligasyon legal ak teknik ki aplikab yo.

15. Chanjman nan politik sa a

Nou kapab modifye politik konfidansyalite sa a nenpòt kilè. N ap enfòme itilizatè yo sou gwo chanjman yo atravè aplikasyon an oswa pa imèl.

16. Kontak